Manni Marichaa yaa’ii idilee 1ffaa bara hojii 1ffaa Onkoloolessa 23, 2018, Finfinnee, Itoophiyaatti gegeesseen ibsa ejjenno abbaa qabxii 8 armaan gadii baasee jira.

1. Karoora hojiilee hundagaleessa mana mariichaa sadarkaa hundatti lafa qabsiisuuf kutannoo fi cichoominaan hojjechuuf murteessineerra.

2. Namoota Majlisa Oromiyaatiif deeggarsaa fi gumaacha gochaa turan hunda galateeffachaa, keessattuu gumaacha qarshii Miliyoona 50 kan raawwatan Obbo Umar Hassan Muhammadnuur tumsaa fi gahee leencaa isaan taphataniif yeroo hunda kabaja addaa kan qabnu ta’uu ibsina.

3. Iftoomina faayinaansii, bulchiinsa gaarii fi itti gaafatamummaa irratti hundaa’uudhaan hojjechuun dirqama keenya. Qarshiin hawaasa irraa dhufu hundi faayidaa hawaasaaf akka oolus murannoodhaan ni hojjenna.

4. Hojiilee misoomaa Majlisaa fi tajaajila hawaasa Muslimaa babal’isuuf karoorri tarsiimawaa bara 2018 akka hojiitti hiikamu waadaa galleerra.

5. Majlisa Oromiyaa hojii isaa haqummaa fi iftoomina, nageenyaa fi tokkummaa irratti hundeessuun tajaajila hawaasa Muslimaa akka lafa qabsiisu murannoo fi waadaa keenya haaromsuun mirkaneessineerra.

6. Maqaa da’awaa jedhuun miidiyaa hawaasaa irraa maqaa adda addaa maxxanfatanii bakka bu’umsa malee fedhii fi miira ofii hordofuun hawaasaa burjaajessan kan balaaleffannu fi Gochoota akkanaa irraatti Namootni hirmaataa jiranu hunduu akka of qusatan waamich dabarsaa hawaasnis akka irraa of eeggatu ni dhaamna.

7. Qaamolee amantaa, sanyii fi eenyummaa giddu galeessaa godhachuun bakka adda addaatti miidhaa Hawaasa irratti raawwatan cimsinee balaaleffanna.

8. Tokkummaan socho’uun, araara qabaachuun fi waliin hojjechuun bu’uura injifannoo hawaasa keenyaati jenna ammanna

9. Sochii jijjiirama biyyii keenya yeroo ammaa keessa jirtuu kan deeggarruu fi rakkoo nageenya biyya keenyaa hiikuuf cimsinee ni hojjenna.

Rabbiin hojii keenya haqa irratti haa milkeessu.

Majlisa Oromiyaa